Archwiliwch rai themâu (atgofion plentyndod efallai, y Siartwyr neu adferiad y Chwe Chloch) trwy edrych ar ddelweddau a sgwrsio am hanes. Yna dewch â'r hyn rydych chi wedi'i ddarganfod yn fyw trwy wahanol ffurfiau celf fel paentio a brithwaith. Gallwch weithio'n unigol neu gydag eraill ac efallai y byddwch yn dewis gweithio ar brosiect hirach dros y chwe sesiwn neu roi cynnig ar rywbeth gwahanol bob wythnos.
BG REACH: Trigolion Blaenau Gwent yn Ymgysylltu â'r Celfyddydau, Cymuned a Threftadaeth - mae BG REACH yn gyfle i ddathlu hanes, diwylliant a harddwch cyfoethog Blaenau Gwent.
Mae'n gyfle i drafod treftadaeth leol a dod â straeon, atgofion a phethau sy'n bwysig i chi am le rydych chi'n byw yn fyw trwy gerddoriaeth, celf, adrodd straeon ac ysgrifennu creadigol.
Mae'n gydweithrediad rhwng Grŵp Cymunedol Aber-bîg gyda Chymdeithas Tai Linc Cymru a'r Brifysgol Agored.
Trwy fis Chwefror a mis Mawrth bydd gweithdai’n cael eu cynnal yng Nghanolfan Gymunedol Aber-bîg sy'n rhad ac am ddim i gymryd rhan. Gallwch fynychu cyn lleied neu gynifer o weithdai ag y dymunwch a bydd rhywun i'ch tywys ar hyd y ffordd.
Gall unrhyw un sy'n 16 oed neu'n hŷn gymryd rhan yn y gweithdai.
Gallwch ddisgwyl cwrdd â phobl, cael hwyl, rhannu syniadau ac atgofion ac efallai dysgu ambell beth ar hyd y ffordd.
Darllenwch am ein cymwysterau a’n cyrsiau drwy ofyn am brosbectws heddiw