England

Please tell us where you live so that we can provide you with the most relevant information as you use this website.
If you are at a BFPO address please choose the country or region in which you would ordinarily be resident.
Accessibility statement
Nurse looking at camera
Ydych chi'n gweithio yn y sector iechyd a gofal cymdeithasol ac a oes gennych chi ddiddordeb mewn bod yn nyrs gofrestredig? Bydd ein cymhwyster yn eich helpu i wireddu eich uchelgeisiau.
Mae’r Brifysgol Agored yn cynnig cyfleoedd dysgu cyffrous.Mae ein trefniadau astudio hyblyg yn ffitio i mewn gyda’ch gwaith a’ch bywyd gartref, fel y gallwch barhau i ennill cyflog wrth i chi ddysgu.
Os ydych yn gweithio fel Cynorthwyydd Gofal Iechyd a bod gennych gontract cyflogaeth parhaol (dros 30 awr yr wythnos), gallwch wneud cais am le wedi'i ariannu'n llawn ar ein gradd BSc (Anrhydedd) Nyrsio. Mae angen i chi fod naill ai'n gweithio mewn Bwrdd Iechyd GIG yng Nghymru neu sefydliad sector annibynnol a gydnabyddir gan Addysg a Gwella Iechyd Cymru (AaGIC).

Rydym yn cynnig pedwar maes nyrsio: Oedolion, Plant a Phobl Ifanc, Anableddau Dysgu ac Iechyd Meddwl.

Croesewir ceisiadau ar lefel mynediad (Lefel 1) neu, yn amodol ar gais trosglwyddo credyd llwyddiannus, efallai y byddwch yn gallu trosglwyddo hyd at 180 credyd tuag at y radd nyrsio.

Rydym yn derbyn myfyrwyr yn yr hydref a'r gwanwyn. Siaradwch â'ch rheolwr llinell ac yna cysylltwch â thîm addysg nyrsio eich cyflogwr ynglŷn â'r broses ymgeisio.
I ymgeisio am y radd BSc Nyrsio, rhaid i chi arddangos:
Bydd angen i chi hefyd gwblhau’n llwyddiannus gyfweliad ac asesiad o’ch gwerthoedd personol sy'n cyfateb i'r gofynion ar gyfer arferion nyrsio sensitif.
Os nad oes gennych y cymwysterau gofynnol, gallech astudio Lefel 2 Cymhwyso Rhif a Chyfathrebu Sgiliau Hanfodol Cymru (ESW). Gellir gwneud hyn fel rhan o’r rhaglen Pont i Bawb. Mae hon yn rhaglen dysgu o bell ran amser ar gyfer Cymru gyfan ac fe’i cynhelir ar y cyd â Choleg Caerdydd a'r Fro (CAVC). Gallwch astudio gartref o unrhyw le yng Nghymru ac mae'n cael ei ariannu'n llawn sy'n golygu nad ydych yn talu unrhyw beth. Darganfyddwch fwy am sut i wneud cais.
Os ydych chi'n teimlo nad ydych yn barod efallai am y radd Nyrsio lawn, gallech astudio ein Tystysgrif Addysg Uwch mewn Ymarfer Gofal Iechyd sy'n cynnwys Rhan 1 o'r radd dros 16-18 mis.
Nurse talking to patient
Fel un o'r darparwyr gorau a gymeradwyir gan y Cyngor Nyrsio a Bydwreigiaeth (NMC), rydym yn gweithio’n agos gyda GIG Cymru a darparwyr gofal iechyd yng Nghymru i ddatblygu eu gweithlu nyrsio.
Mae cyflogwyr yn ein marcio'n uchel am:
Os oes gennych ddiddordeb mewn cofrestru eich staff ar ein BSc (Anrh) Nyrsio, e-bostiwch [email protected] i drafod y cyfleoedd ymhellach. Rydym yn croesawu gohebiaeth yn Gymraeg a Saesneg ac ni fydd gohebu gyda ni yn Gymraeg yn arwain at oedi.
Male nurse walking down corridor
Roeddwn i’n mynd i ddechrau gweithio tuag at fand 4, ond dywedodd rheolwr y ward fod yna gynllun newydd gyda’r Brifysgol Agored, a dyna sut y cefais y cyfle mewn gwirionedd. Mae dysgu ar-lein yn wych. Mae'r rhwydwaith cymorth yn dda iawn. Mae holl diwtoriaid a mentoriaid y modiwl yno i chi os bydd eu hangen arnoch chi, a nid ydych yn teimlo'r angen i boeni am unrhyw beth. Mae un peth yn sicr, mae nyrsio yn mynd i agor llawer o ddrysau i mi.
Mae'r Brifysgol Agored yn cynnig llwybr hyblyg i Nyrsio. Gallwch ddysgu yn eich amgylchedd eich hun, ar eich cyflymder eich hun, yn eich amser eich hun. Byddwch hefyd yn cael eich cefnogi'n ariannol drwy eich cyflogaeth, felly rydych yn dal i gael eich cyflog.
I gael mwy o wybodaeth am ein gradd BSc (Anrh) Nyrsio, ewch i'n gwefan.