English

Cymerwch eich cam nesaf mewn gofal iechyd

Ydych chi'n gweithio yn y sector iechyd a gofal cymdeithasol ac a oes gennych chi ddiddordeb mewn bod yn nyrs gofrestredig? Bydd ein cymhwyster yn eich helpu i wireddu eich uchelgeisiau.
Mae’r Brifysgol Agored yn cynnig cyfleoedd dysgu cyffrous.Mae ein trefniadau astudio hyblyg yn ffitio i mewn gyda’ch gwaith a’ch bywyd gartref, fel y gallwch barhau i ennill cyflog wrth i chi ddysgu.

BSc (Anrhydedd) Nyrsio

Os ydych yn gweithio fel Cynorthwyydd Gofal Iechyd a bod gennych gontract cyflogaeth parhaol (dros 30 awr yr wythnos), gallwch wneud cais am le wedi'i ariannu'n llawn ar ein gradd BSc (Anrhydedd) Nyrsio. Mae angen i chi fod naill ai'n gweithio mewn Bwrdd Iechyd GIG yng Nghymru neu sefydliad sector annibynnol a gydnabyddir gan Addysg a Gwella Iechyd Cymru (AaGIC).

Rydym yn cynnig pedwar maes nyrsio: Oedolion, Plant a Phobl Ifanc, Anableddau Dysgu ac Iechyd Meddwl.

Croesewir ceisiadau ar lefel mynediad (Lefel 1) neu, yn amodol ar gais trosglwyddo credyd llwyddiannus, efallai y byddwch yn gallu trosglwyddo hyd at 180 credyd tuag at y radd nyrsio.

Rydym yn derbyn myfyrwyr yn yr hydref a'r gwanwyn. Siaradwch â'ch rheolwr llinell ac yna cysylltwch â thîm addysg nyrsio eich cyflogwr ynglŷn â'r broses ymgeisio.

Gofynion mynediad

I ymgeisio am y radd BSc Nyrsio, rhaid i chi arddangos:

  • llythrennedd (sgiliau gweithredol lefel 2 neu gyfwerth, e.e. TGAU Gradd C neu uwch yn Saesneg)
  • rhifedd (sgiliau gweithredol lefel 2 neu gyfwerth, e.e. TGAU Gradd C neu uwch mewn Mathemateg)
  • cymeriad da, a dystiwyd drwy hunan-ddatganiad, datgeliad cofnod troseddol lefel uwch a dau eirda – rhaid i un ohonynt fod gan eich cyflogwr presennol (lle bo hynny'n berthnasol)
  • Iechyd da, a thystiolaeth o hynny drwy hunan-ddatganiad o’ch statws iechyd, sgrinio iechyd galwedigaethol, adolygiad o gofnod salwch ac absenoldeb blaenorol, a dau eirda – rhaid i un ohonynt fod gan eich cyflogwr presennol (lle bo hynny'n berthnasol)
Bydd angen i chi hefyd gwblhau’n llwyddiannus gyfweliad ac asesiad o’ch gwerthoedd personol sy'n cyfateb i'r gofynion ar gyfer arferion nyrsio sensitif.

Os nad oes gennych y cymwysterau gofynnol, gallech astudio Lefel 2 Cymhwyso Rhif a Chyfathrebu Sgiliau Hanfodol Cymru (ESW). Gellir gwneud hyn fel rhan o’r rhaglen Pont i Bawb. Mae hon yn rhaglen dysgu o bell ran amser ar gyfer Cymru gyfan ac fe’i cynhelir ar y cyd â Choleg Caerdydd a'r Fro (CAVC). Gallwch astudio gartref o unrhyw le yng Nghymru ac mae'n cael ei ariannu'n llawn sy'n golygu nad ydych yn talu unrhyw beth. Darganfyddwch fwy am sut i wneud cais.

Tystysgrif Addysg Uwch mewn Ymarfer Gofal Iechyd

Os ydych chi'n teimlo nad ydych yn barod efallai am y radd Nyrsio lawn, gallech astudio ein Tystysgrif Addysg Uwch mewn Ymarfer Gofal Iechyd sy'n cynnwys Rhan 1 o'r radd dros 16-18 mis.

Lleoedd wedi'u hariannu ar ein modiwl rhagarweiniol

Mae nifer cyfyngedig o leoedd wedi’u hariannu’n llawn ar y modiwl rhagarweiniol Cyflwyno iechyd a chymdeithasol (K102) sy’n dechrau ym mis Chwefror 2025. Y modiwl hwn yw’r cam cyntaf hanfodol tuag at yrfa mewn Nyrsio, gan ddarparu trosolwg awdurdodol o iechyd a gofal cymdeithasol, drwy ystod eang o astudiaethau achos go iawn.

Mae'r lleoedd hyn ar gyfer staff Iechyd Meddwl neu Anabledd Dysgu GIG Cymru neu o ddarparwyr annibynnol a gydnabyddir gan Addysg a Gwella Iechyd Cymru  (AaGIC). Os oes gennych ddiddordeb mewn gwneud cais, siaradwch â’ch tîm Addysg Nyrsio GIG nawr.

Ydych chi'n gyflogwr?

Fel un o'r darparwyr gorau a gymeradwyir gan y Cyngor Nyrsio a Bydwreigiaeth (NMC), rydym yn gweithio’n agos gyda GIG Cymru a darparwyr gofal iechyd yng Nghymru i ddatblygu eu gweithlu nyrsio.

Mae cyflogwyr yn ein marcio'n uchel am:

  • ansawdd uchel ein dysgu a'n cymorth i fyfyrwyr (a gymeradwywyd gan gyrff proffesiynol ac adolygwyr ansawdd allanol)
  • ein ffocws cryf ar wella ymarfer ac ansawdd y gofal
  • y ffaith bod staff yn parhau i weithio wrth ddysgu, ac yn cymhwyso eu gwybodaeth a'u sgiliau newydd o'r dechrau.
Os oes gennych ddiddordeb mewn cofrestru eich staff ar ein BSc (Anrh) Nyrsio, e-bostiwch wales-nursing@open.ac.uk i drafod y cyfleoedd ymhellach. Rydym yn croesawu gohebiaeth yn Gymraeg a Saesneg ac ni fydd gohebu gyda ni yn Gymraeg yn arwain at oedi.

Roeddwn i’n mynd i ddechrau gweithio tuag at fand 4, ond dywedodd rheolwr y ward fod yna gynllun newydd gyda’r Brifysgol Agored, a dyna sut y cefais y cyfle mewn gwirionedd. Mae dysgu ar-lein yn wych. Mae'r rhwydwaith cymorth yn dda iawn. Mae holl diwtoriaid a mentoriaid y modiwl yno i chi os bydd eu hangen arnoch chi, a nid ydych yn teimlo'r angen i boeni am unrhyw beth. Mae un peth yn sicr, mae nyrsio yn mynd i agor llawer o ddrysau i mi.

Siân Angharad Roberts, Sir Ddinbych, Cymru

Mae'r Brifysgol Agored yn cynnig llwybr hyblyg i Nyrsio. Gallwch ddysgu yn eich amgylchedd eich hun, ar eich cyflymder eich hun, yn eich amser eich hun. Byddwch hefyd yn cael eich cefnogi'n ariannol drwy eich cyflogaeth, felly rydych yn dal i gael eich cyflog.

Mark Crothers, de Cymru
I gael mwy o wybodaeth am ein gradd BSc (Anrh) Nyrsio, ewch i'n gwefan.