Dathlu prosiect celfyddydau Blaenau Gwent

Daeth Beirdd, cerddorion ac artistiaid awyddus o bob rhan o Blaenau Gwent at ei gilydd dros fideo yn gynharach mis diwethaf mewn dathliad diwylliannol o’u hardal, hanes a phobl.

Mae'r grŵp yn rhan o BG REACH, dathliad o dreftadaeth, hanes a phobl Blaenau Gwent ddoe a heddiw. Cyfarfu'r grŵp am y tro cyntaf ym mis Chwefror 2020 mewn gweithdai creadigol yn Aberbeeg. Gohiriwyd y sesiynau wyneb-yn-wyneb, ond cadwodd y grŵp mewn cysylltiad dros fideo wrth barhau i weithio gyda'i gilydd.

‘Nid oeddem yn rhagweld y byddai’r heriau o ganlyniad i lifogydd difrifol ac yna pandemig byd-eang,’ meddai Sarah Roberts, cydlynydd partneriaethau’r Brifysgol Agored yng Nghymru ar gyfer de-ddwyrain Cymru. ‘Ond trwy weithio gyda’n gilydd ac yn bennaf oherwydd ymrwymiad ac angerdd pobl o fewn grŵp cymunedol Aberbeeg, dyma ni heddiw i rannu a dathlu peth o’r gwaith creadigol sydd wedi bod yn digwydd yn ystod yr amseroedd heriol hyn.’

Yn ystod y dathliad ar-lein, rhannodd y grŵp brosiect cerdd, cerddi, celf a ffotograffiaeth gyda'i gilydd ac academyddion y Brifysgol Agored a oedd wedi gweithio gyda nhw. Roedd staff Cymdeithas Tai Linc Cymru, a oedd hefyd wedi cefnoigi’r prosiect hefyd ymhlith y mynychwyr, ochr yn ochr â theulu a ffrindiau. Dangoswyd am y troi cyntaf Cynefin 2 sef fideo a gynhyrchwyd o bell gan y grŵp yn ystod y pandemig sy'n dathlu harddwch yr ardal trwy eiriau a cherddoriaeth.

Gobaith BG REACH yw i barhau i gasglu mwy o waith creadigol sy'n dathlu treftadaeth ym Mlaenau Gwent. Gall hyn gynnwys ffotograffiaeth, ysgrifennu creadigol, gwaith celf, neu gerddoriaeth a fydd yn cael ei ddangos mewn arddangosfa yn 2021. Os ydych chi'n byw yn yr ardal ac â diddordeb mewn rhannu eich gwaith e-bostiwch partneriaethau-cymru@open.ac.uk am fwy o wybodaeth.