Dysgu am ddim ar gyfer staff ysgolion a cholegau

Mae’r Brifysgol Agored yng Nghymru wedi datblygu cyfres newydd o adnoddau dysgu am ddim i staff mewn ysgolion a cholegau.

Trwy weithio gyda Phrosiect Addewid Caerdydd, mae staff Sefydliad Technoleg Addysg y Brifysgol Agored wedi paratoi cyfres o gweminarau, sydd wedi’u cadw ar blatfform HWB Llywodraeth Cymru.  

Yn ystod y flwyddyn ddiwethaf, mae ysgolion a cholegau ledled y wlad wedi bod o dan bwysau sylweddol, ac wedi rhoi amser, ymdrech ac adnoddau diddiwedd i ymateb i heriau Coronafeirws.

Wrth symud at y cyfnod adfer ac i baratoi at gwricwlwm newydd i Gymru, mae’r cyrsiau wedi’u cynllunio i helpu staff ddatblygu sgiliau a dulliau addysgeg dysgu ac addysgu cyfunol.

Cyrsiau byr am ddim i athrawon, darlithwyr, cynorthwywyr addysgu a llywodraethwyr ysgol

Mae gan y brifysgol hefyd nifer o gyrsiau ac adnoddau i helpu staff ysgolion a cholegau gyda datblygiad proffesiynol. Gallwch ddod o hyd i rhain ar lwyfan dysgu am ddim, OpenLearn. Gall ddysgwyr cwblhau’r cyrsiau ar gyflymder eu hunain, ac mewn grŵp fel unigolion.

Mae cyrsiau’n cynnwys:

• Ewch â’ch Addysgu Ar-lein – cwrs dwyieithog i helpu gydag addysgu effeithiol ar-lein
• Adnoddau Llywodraethwyr Ysgol – cyrsiau i gynorthwyo llywodraethwyr ysgol ddysgu am sgiliau arwain, gweithio mewn tîm ac addysg gynhwysfawr - ar gael yn Gymraeg a Saesneg
• Hwb Cynorthwyydd Ddysgu – casgliad o adnoddau i gynorthwywyr addysg sy’n gweithio mewn addysg blynyddoedd cynnar, cynradd ac uwchradd