Ni yw arbenigwyr dysgu o bell â chymorth. Mae'r Brifysgol Agored wedi bod yn arloesi ers dros 50 mlynedd er mwyn helpu dros 2 miliwn o fyfyrwyr i gyflawni eu dyheadau.
Mae ein myfyrwyr yn dod o bob cwr o Gymru ac yn byw bywydau prysur, yn cydbwyso eu hastudiaethau gyda’u cyfrifoldebau a dan amgylchiadau o ddydd i ddydd. Mae’r Brifysgol Agored yn cynnig astudiaeth sy’n hyblyg, yn cyd-fynd â'ch bywyd, gyda chymorth ar bob cam o'r ffordd. Dyna pam mae mwy o fyfyrwyr anabl yn dewis astudio gyda’r Brifysgol Agored nag unrhyw brifysgol arall yn y DU. Y llynedd yn unig, cefnogodd y Brifysgol Agored dros 28,000 o fyfyrwyr ag anableddau ac anghenion ychwanegol.
Nid yw dysgu o bell yn golygu y byddwch ar eich pen eich hun. Fel myfyriwr y Brifysgol Agored, cewch eich cefnogi'n llawn gan:
Fe wnaeth Tîm Cefnogi Myfyrwyr y Brifysgol Agored fy helpu trwy roi wybod i fy nhiwtoriaid fy mod yn cael trafferth gyda fy iechyd meddwl.
Ni fyddwch erioed wedi teimlo eich bod yn cael eich cefnogi, eich annog a'ch grymuso cymaint ag yr ydych fel aelod o deulu'r Brifysgol Agored.
Darllenwch stori Beck
Os oes gennych chi unrhyw heriau sy’n effeithio ar sut ydych chi’n astudio, sut mae angen i ni gyfathrebu â chi, neu sut ydych yn defnyddio deunyddiau astudio, rydym eisiau i chi roi gwybod i ni amdanynt.
Gallwn gynnig ystod o addasiadau fel eich bod yn gallu gwneud y mwyaf o’ch astudiaethau gyda ni. Er enghraifft:
Yn yr holl enghreifftiau hyn, fel gyda’r rhan fwyaf o’r cymorth rydym yn ei gynnig, nid oes angen i chi gynnig unrhyw dystiolaeth feddygol na bod â diagnosis swyddogol. Ar ôl i chi gofrestru fel myfyriwr, mae angen i chi gysylltu â'n Tîm Cymorth i Fyfyrwyr cyfeillgar yma yng Nghymru a byddwn yn penderfynu ar y camau nesaf.
Hyd yn oed os nad ydych yn gwybod pa gymorth a allai fod yn ddefnyddiol i chi, cysylltwch â ni, a gallwn wneud ychydig o awgrymiadau.
Mae lefelau pellach o gefnogaeth ar gael, fel gofynion arholiadau penodol neu ddeunyddiau astudio mewn fformatau amgen fel print bras neu ddeunyddiau addas i’r darllenydd sgrîn. Mae’r rhain yn gofyn am dystiolaeth feddygol, ond y cam cyntaf yw cysylltu â ni.
Cefais liniadur gyda ZoomText arno, a rhaglen darllen sgrin er mwyn imi allu darllen dogfennau.
Darllenwch stori Helen
Mae gwahanol fathau o gymorth ariannol ar gael i’ch cynorthwyo yn ystod eich astudiaethau.
Drwy ein prosiect Go Wales, gallwch gael hyfforddiant a mentora un i un gan gynghorydd cyflogadwyedd OU. Mae’r cymorth wedi’i addasu’n benodol i’ch nodau gyrfa ond gallent gynnwys:
Am ragor o wybodaeth, cwblhewch ein ffurflen mynegi diddordeb neu ewch i’n gwefan.
