Lleoedd am ddim ar gyrsiau byr

Pwy sy’n gymwys a sut i ymgeisio

• os ydych yn hanu o Gymru
• os ydych yn gymwys i dalu y ffioedd Cymru am eich astudiaeth gyda’r Brifysgol Agored (mae hyn yn golygu rydych yn un o wladolion y DU neu’n ddinesydd Gwyddelig neu mae gennych statws preswylydd sefydlog, roeddech yn byw yng Nghymru ar y 1 Ionawr 2024 a rydych wedi bod yn byw yn y DU am 3 blynedd cyn dechrau eich cwrs. Cewch rhagor o wybodaeth ar ein tudalen rheolau ffioedd)
• os ydych yn 18+ oed
• os nad ydych mewn addysg bellach neu addysg uwch pan fydd eich cwrs wedi’i ariannu yn dechrau
• os oes gennych incwm personol o £30,000 neu lai, neu os ydych yn cael budd-daliadau cymwys.

• myfyrwyr sy’n ofalwyr, 
• myfyrwyr sydd wedi gadael gofal neu sydd â phrofiad o fod mewn gofal
• myfyrwyr ag anabledd
• myfyrwyr o gefndiroedd Du, Asiaidd neu Ethnig Leiafrifol
• myfyrwyr sy’n ffoaduriaid neu’n geiswyr lloches
• adnabod fel LHDTC+

Beth yw microgymwysterau?

Mae microgymwysterau yn eich galluogi i ennill gwybodaeth a sgiliau arbenigol er mwyn eich helpu i gamu ymlaen yn eich gyrfa. A hwythau wedi cael eu creu gan academyddion o safon fyd-eang yn y Brifysgol Agored, mae microgymwysterau’n cynnig cydbwysedd perffaith rhwng rhagoriaeth academaidd a pherthnasedd â’r gweithle.

O fewn cyn lleied â 10–12 wythnos, bydd modd ichi ennill y canlynol:

• yr wybodaeth ddiweddaraf mewn pwnc arbenigol
• sgiliau ymarferol y gallwch eu defnyddio’n syth yn eich gwaith, neu i roi hwb i’ch CV
• credyd i israddedigion y gallwch ei ddefnyddio tuag at eich astudiaethau yn y dyfodol.

Gyda microgymwysterau, byddwch yn astudio’n gyfan gwbl ar-lein trwy ddefnyddio cyfuniad o ddeunyddiau dysgu yn cynnwys fideos, cwisiau a gweithgareddau sy’n anelu at feithrin eich gwybodaeth broffesiynol arbenigol.