Economeg

Astudiwch ystod eang o bynciau'r byd go iawn mewn economeg sy'n gysylltiedig â pholisi, masnach ryngwladol, gwneud penderfyniadau busnes, gwaith a newid yn yr hinsawdd. Os ydych yn awyddus i ennill lle mewn proffesiwn ymhlith y pynciau sy'n derbyn y cyflogau uchaf, dyma ddechrau eich taith.

Pam astudio Economeg gyda'r Brifysgol Agored?

Mae Adran Economeg y Brifysgol Agored wedi'i sgorio yn rhagorol am ansawdd addysgu gan yr Asiantaeth Sicrhau Ansawdd ac yn cyflawni sgoriau uchel yn gyson am fodlonrwydd cyffredinol ymhlith myfyrwyr yn Arolygon Cenedlaethol Myfyrwyr. Yn 2017, canfuwyd mai graddedigion Economeg y Brifysgol Agored oedd yn yr ail safle o ran derbyn y cyflogau uchaf ar draws yr holl sefydliadau a'r holl bynciau 12 mis ar ôl graddio, yn seiliedig ar arolwg yr Adran Addysg.

Dyma rai o fanteision astudio economeg yn y Brifysgol Agored:

Cyfle i arbenigo ym maes economeg o'ch dewis chi a chynnal prosiect ymchwil bach.
Defnyddio meddalwedd arbenigol i gymhwyso dulliau ystadegol i broblemau economaidd go iawn.
Amlygiad i ymchwil sydd â phroffil rhyngwladol, gyda phrosiectau wedi'u hariannu gan sefydliadau megis y Comisiwn Ewropeaidd ac asiantaethau'r Cenhedloedd Unedig.

Gyrfaoedd mewn Economeg

Mae ein cyrsiau wedi'u dylunio i roi'r sgiliau i chi sy'n cael eu gwerthfawrogi gan gyflogwyr ac sy'n mynd i'r afael ag ystod o bynciau'r byd go iawn mewn economeg sy'n gysylltiedig â pholisi, masnach ryngwladol, a gwneud penderfyniadau busnes.

Gall ein hystod o gyrsiau mewn economeg eich helpu chi i ddechrau neu ddatblygu eich gyrfa fel: