England

Please tell us where you live so that we can provide you with the most relevant information as you use this website.
If you are at a BFPO address please choose the country or region in which you would ordinarily be resident.
Accessibility statement
Teacher talking to students in a class
Astudiwch i ddod yn athro neu athrawes gyda'r Brifysgol Agored yng Nghymru, sef yr unig le i astudio naill ai'r llwybrau TAR rhan amser neu gyflogedig. Cyfunwch ddysgu ar-lein â phrofiad ymarferol yn yr ysgol i gwblhau'r cymhwyster dros gyfnod o ddwy flynedd, gan eich galluogi i gydbwyso'ch astudiaethau â'ch swydd neu ymrwymiadau eraill yn eich bywyd.
Ewch ar drywydd eich taith unigryw i faes addysgu gyda'r Dystysgrif Addysg i Raddedigion (TAR) yn y Brifysgol Agored yng Nghymru. Gyda'n rhaglen TAR arloesol byddwch yn dod â'ch sgiliau, eich profiad, a gwahanol safbwyntiau i yrfa a fydd yn eich ysgogi ac yn rhoi boddhad i chi.

Bydd ein cwrs TAR dwy flynedd yn caniatáu i chi ennill Statws Athro Cymwysedig (SAC) ar gyfer naill ai'r lefel ysgol gynradd neu uwchradd, a gellir ei astudio yn unrhyw le yng Nghymru, trwy gyfrwng y Gymraeg neu'r Saesneg.

Mae ein rhaglen TAR arloesol yn cyfuno astudiaethau academaidd ar-lein â chefnogaeth gyda  phrofiad ymarferol hanfodol mewn ysgolion.
Mae dau lwybr ar gael:
Os ydych eisoes yn gweithio mewn ysgol mewn rôl nad yw'n ymwneud â dysgu, mae'r llwybr cyflogedig yn caniatáu i chi ddod yn athro neu athrawes ochr yn ochr â'ch dyletswyddau presennol. Mae hyn yn golygu y gallwch barhau i weithio yn eich ysgol, a chefnogir costau astudio trwy grant hyfforddi gan Lywodraeth Cymru. Hyd yn oed os nad ydych yn gweithio mewn ysgol, ond eich bod eisiau dod yn athro neu athrawes, gallwch ymgeisio am y llwybr cyflogedig beth bynnag, mewn pynciau sydd â phrinder o athrawon mewn ysgolion uwchradd. Cynigiwn y cyfnodau oedran neu bynciau a ganlyn ar hyn o bryd:
I gael rhagor o wybodaeth am y llwybr hwn, ewch i'n gwefan.
Os ydych am newid gyrfa, neu fod gennych gyfrifoldebau gofalu, gallai ein llwybr rhan amser eich helpu i gyflawni gwell cydbwysedd o ran bywyd a gwaith, wrth i chi hyfforddi i ddod yn athro neu athrawes. Gallwch gydbwyso'r ymrwymiadau yn eich bywyd ochr yn ochr ag astudio ac ennill profiad ymarferol o addysgu mewn ysgol ar sail rhan amser. Cynigiwn y cyfnodau oedran neu bynciau a ganlyn ar hyn o bryd:
I gael rhagor o wybodaeth am y llwybr hwn, ewch i'n gwefan.
Mae cymorth ar gael ar gyfer bob cam o'ch taith, o wneud cais, i raddio. Byddwch yn derbyn eich dysg ac yn cael eich addysgu gan y brifysgol trwy gyfrwng yr amgylchedd dysgu rhithwir, ac fe'ch cefnogir gan Diwtor Cwricwlwm a fydd yn arbenigwr yn y maes a ddewiswyd gennych. Yn ystod dysgu drwy ymarfer mewn ysgol, fe'ch cefnogir gan fentor a chydlynydd ysgol a fydd yn darparu cymorth a chyngor ymarferol i chi ar eich taith i addysgu.
Ymunwch â ni am 18:00 ar 12 Mai i drafod sut mae Tystysgrif Addysg i Raddedigion (TAR) y Brifysgol Agored yng Nghymru yn gweithio a sut gallwch wneud cais ar gyfer mis Medi 2026.

1 munud 4 eiliad
Gwyliwch ein fideo i ddarganfod sut y gallech chi ddod yn athro gyda'r Brifysgol Agored yng Nghymru.
Mae ceisiadau ar gyfer mis Medi 2026 bellach ar agor.
I wneud cais ar gyfer ein rhaglen, cwblhewch y ffurflen gais hon os gwelwch yn dda. Am ragor o wybodaeth ynghylch y rhaglen, gofynion mynediad a'r broses ymgeisio, ymwelwch â'n gwefan.
Cyn i chi wneud cais, gofalwch eich bod wedi darllen y ddogfen ganllaw ar gyfer gwneud cais, ynghyd â'n cwestiynau cyffredin.
Gallwch fynychu sesiwn galw heibio gyda’n Tîm TAR Cymru ymroddedig, sydd ar gael i’ch cefnogi ar eich taith. Cynhelir y sesiynau bob dydd Mawrth am 16:30. Sylwch y byddwch yn mynd i ystafell aros rithiol wrth ymuno, ac efallai y bydd angen i chi aros i gael eich derbyn, yn dibynnu ar nifer y rhai sy’n bresennol. Cliciwch yma i gael mynediad i sesiwn galw heibio Microsoft Teams.
1 munud 46 eiliad
Gwrandewch ar sut aeth Michael o fod yn Dechnegydd Gwyddoniaeth i Athro Gwyddoniaeth diolch i’r llwybr TAR cyflogedig.
Sioned at her graduation
Wnes i ddewis i fod yn athrawes Gymraeg oherwydd mae’r iaith mor bwysig i mi.