TAR | Tystysgrif Addysg i Raddedigion yng Nghymru

An image to illustrate the Postgraduate Certificate in Education in Wales

I ddod yn athro, mae angen TAR gyda Statws Athro Cymwysedig (SAC). Mae ein TAR yn eich cymhwyso i weithio mewn ysgolion cynradd neu uwchradd, gan ganolbwyntio ar y cwricwlwm yng Nghymru. Gallwch astudio drwy gyfrwng y Gymraeg, Saesneg, neu’r ddau. Cyflawnir yr addysgu ar-lein, gan gynnwys seminarau byw, gyda chymorth wyneb yn wyneb ar safle’r ysgol. Byddwch yn dysgu mewn dwy ysgol yng Nghymru (o leiaf 120 diwrnod dros ddwy flynedd). Gall myfyrwyr a gymeradwyir gan ysgol gael eu hariannu’n llawn (llwybr cyflogedig) neu eu hunan-ariannu (llwybr rhan-amser), gydag ymgeiswyr hunan-ariannu bosibl yn gymwys am fenthyciad a/neu grant cynhaliaeth.

I ennill y cymhwyster hwn, rydych chi angen 120 credyd. Byddwch yn astudio dau fodiwl gorfodol: modiwl 60 credyd ar lefel 6 (israddedig) ac yna modiwl 60 credyd ar lefel 7 (ôl-raddedig).

Cynigiwn y cyfnodau oedran neu bynciau a ganlyn ar hyn o bryd: cynradd neu uwchradd mathemateg; gwyddoniaeth; Cymraeg; Saesneg; Saesneg gyda drama; Saesneg gydag astudiaethau cyfryngau; dylunio a thechnoleg; cyfrifiadura/TGCh; ac ieithoedd rhyngwladol.

Yn dibynnu ar eich amgylchiadau, byddwch yn dewis naill ai’r llwybr cyflogedig neu’r llwybr rhan-amser (hunangyllid). Mae’r ddau lwybr yn dilyn yr un llinell amser academaidd ac yn cynnwys yr un modiwlau, a gyflwynir drwy gyfuniad o sesiynau ar-lein ac wyneb yn wyneb gyda thiwtoriaid cwricwlwm y brifysgol, tiwtoriaid ymarfer a mentoriaid ysgol.

Modiwlau llwybrau cyflogedig Modiwlau llwybrau cyflogedig	Credydau Credydau	Dyddiad dechrau nesaf Dyddiad dechrau nesaf
Byddwch chi'n astudio'r ddau o'r canlynol: Byddwch chi'n astudio'r ddau o'r canlynol:
TAR 1 a 2 (EE306) TAR 1 a 2 (EE306)	60 60	Medi 2026 Medi 2026
TAR 3 (EE806) TAR 3 (EE806)	60 60	Medi 2026 Medi 2026

Modiwlau'r llwybr rhan-amser Modiwlau'r llwybr rhan-amser	Credydau Credydau	Dyddiad dechrau nesaf Dyddiad dechrau nesaf
Byddwch chi'n astudio'r ddau o'r canlynol: Byddwch chi'n astudio'r ddau o'r canlynol:
TAR 1 a 2 (EEXP306) TAR 1 a 2 (EEXP306)	60 60	Medi 2026 Medi 2026
TAR 3 (EEXP806) TAR 3 (EEXP806)	60 60	Medi 2026 Medi 2026

Drwy astudio’r Tystysgrif Addysg i Raddedigion yng Nghymru, byddwch yn:

Byddwch yn dysgu drwy seminarau ar-lein, profiad ysgol a chymorth strwythuredig gan diwtoriaid.

Wedi i chi gwblhau'r cwrs hwn yn llwyddiannus, byddwn yn dyfarnu ein Tystysgrif Addysg i Raddedigion i chi. Bydd gennych hawl i ddefnyddio'r llythrennau TAR ar ôl eich enw. Byddwn hefyd yn eich argymell ar gyfer SAC (Statws Athro Cymwysedig) i'r corff proffesiynol, Cyngor y Gweithlu Addysg.

Cewch gyfle i fynychu seremoni raddio.

Fel un o fyfyrwyr Y Brifysgol Agored, dylech fod yn ymwybodol o gynnwys y rheoliadau sy'n benodol i gymwysterau isod a'r rheoliadau academaidd sydd ar gael ar ein gwefan Polisïau a Rheoliadau Myfyrwyr.

Rydym yn adolygu ein cwricwlwm yn rheolaidd i'w gadw'n gyfredol. Mae hyn yn golygu y gall strwythur, argaeledd a chynnwys y cwrs neu'r modiwlau newid. Byddwn yn diweddaru'r dudalen hon cyn gynted â phosibl os bydd unrhyw newidiadau. Os ydych eisoes wedi cofrestru ar gyfer y cymhwyster hwn, byddwn yn eich hysbysu mewn da bryd o unrhyw newidiadau sydd ar ddod lle bo'n ymarferol. Am fwy o fanylion, gweler ein

Rheoliadau Academaidd

neu

cysylltwch â ni

Byddwch yn cwblhau'r cymhwyster mewn dwy flynedd.

Mae’r modiwlau’n dechrau ym mis Medi bob blwyddyn ac yn dod i ben ym mis Mehefin y flwyddyn ganlynol. Cewch eich canlyniadau ym mis Gorffennaf. Mae wythnosau egwyl yn cyd-daro â gwyliau ysgol Cymru.

Mae pob modiwl yn cynnwys astudiaeth academaidd drwy seminarau ar-lein dan arweiniad eich tiwtor cwricwlwm; cyfnod o brofiad ysgol; a chyflwyno portffolio o dystiolaeth sy'n cynnwys ymatebion i dasgau academaidd ac adroddiadau o'ch profiad ysgol. O ddechrau eich astudiaethau, byddwch yn ymgysylltu â chyfrwng y Gymraeg mewn cyd-destun ysgol, gan adeiladu ar eich lefel ar ddechrau'r TAR. Bydd pob myfyriwr yn cael ei gefnogi i ddatblygu ei sgiliau Cymraeg, sy’n allweddol wrth gyflwyno’r Cwricwlwm i Gymru.

Bydd yr addysgu ar draws y modiwlau drwy gyfres o linynnau sy'n canolbwyntio ar ymarfer:

Bydd theori academaidd yn cael ei chyfuno â phrofiad sylweddol, â chymorth mewn ysgolion.

Byddwch yn symud o ymgyfarwyddo i atgyfnerthu eich dysgu yn TAR 1 a 2, gan symud o gymorth yn yr ystafell ddosbarth a chynllunio ac addysgu gwersi unigol i gynllunio ac addysgu cyfres o wersi. Yn TAR 3, byddwch yn symud tuag at ymreolaeth yn eich ymarfer dysgu, gan gymryd cyfrifoldeb am gynllunio, darparu adnoddau ac addysgu amrywiaeth o wersi ar eich pen eich hun.

Bydd mentoriaid yn eich cefnogi drwy gydol eich profiad ysgol. Byddan nhw'n cyfryngu ac yn hwyluso tasgau rheolaidd yn yr ysgol, sy'n bwydo i mewn i'ch astudiaethau. Wrth i chi symud drwy'r modiwlau, bydd eich dealltwriaeth o'r damcaniaethau a'r cysyniadau yn datblygu. Bydd eich profiad a'ch asesiadau ymarferol yn eich paratoi ar gyfer eich modiwl nesaf ac yn eich helpu i symud pethau ymlaen tuag at fodloni'r Safonau Proffesiynol ar gyfer Addysgu ac Arweinyddiaeth yng Nghymru. P'un a ydych ar y llwybr cyflogedig neu ran-amser, byddwch yn ymgymryd â phrosiect ymchwil ystafell ddosbarth unigol yn TAR 3.

Dros y ddwy flynedd, mae pob myfyriwr yn cwblhau 120 diwrnod o ymarfer dysgu mewn dwy ysgol wahanol, yn unol â gofynion Cyngor y Gweithlu Addysg a Llywodraeth Cymru.

Yn ystod modiwl TAR 3 (ail flwyddyn y rhaglen), byddwch yn cwblhau 60 o’r 120 diwrnod gofynnol. Rhaid i o leiaf 30 o’r diwrnodau hyn gael eu cynnal mewn bloc parhaus (pum niwrnod yr wythnos dros chwe wythnos ysgol yn olynol), gan gynnwys bloc ymarfer dysgu llawn amser gorfodol o 30 diwrnod.

Os ydych eisoes yn gweithio mewn ysgol wladol brif ffrwd fel cymhorthydd addysgu neu swydd nad yw’n addysgu, gallwch wneud cais i'ch ysgol ardystio eich astudiaethau. Rhaid i’ch ysgol wneud cais i fod yn ysgol bartner a darparu llythyr ardystio, gan mai nhw fydd yn talu eich cyflog. Bydd angen i’ch ysgol gytuno i wneud cais am y llwybr hwn.

Byddwch yn astudio eich cwrs TAR ochr yn ochr â'ch dyletswyddau ysgol presennol fel rhan o’ch cyflogaeth lawn amser mewn ysgol, ac yn ymgymryd â phrofiad ymarferol ar yr un pryd ag y byddwch yn astudio. Bydd eich costau astudio yn cael eu talu gyda grant hyfforddiant gan Lywodraeth Cymru.

Os ydych yn newid gyrfa a ddim yn gweithio mewn ysgol ar hyn o bryd, gallwch barhau i wneud cais ar gyfer y llwybr cyflogedig ar gyfer un o’n pynciau uwchradd prin. Byddwch angen dod o hyd i ysgol uwchradd sy’n fodlon eich ardystio, a gallwn eich helpu drwy un o’n nifer o ysgolion partner yng Nghymru.

Darllenwch mwy am y llwybr cyflogedig

Os ydych yn newid gyrfa ac eisiau dod yn athro ond nad ydych yn gweithio mewn ysgol, neu os nad yw'r llwybr cyflogedig yn addas ar eich cyfer chi, mae opsiwn rhan-amser ar gael. Mae'r llwybr hwn yn cynnig hyblygrwydd wrth i chi astudio tuag at eich TAR ac ennill profiad addysgu ymarferol rhan-amser mewn ysgol law yn llaw â’ch swydd bresennol neu ymrwymiadau bywyd eraill.

Bydd lleoliadau ysgol ar gael mewn ysgolion cyfrwng Cymraeg a chyfrwng Saesneg. Byddwch yn ymgymryd â'ch profiad ymarferol ar ôl cwblhau eich astudiaeth academaidd ym mhob modiwl. Bydd angen i chi ystyried sut y gallwch ymrwymo i tua 16 awr o astudio'r wythnos.

Byddwch yn cwblhau 120 diwrnod o ymarfer dysgu ar draws y 2 flynedd (60 diwrnod y flwyddyn). Bydd angen i chi ymrwymo i 2 i 3 diwrnod yr wythnos ar gyfer ymarfer dysgu i sicrhau eich bod yn bodloni'r nifer gofynnol o ddiwrnodau o fewn y cyfnodau penodol.

Gallwch hunan-ariannu’r llwybr hwn, neu gallwch wneud cais am fenthyciad myfyriwr a grantiau cynhaliaeth rhan-amser i helpu gyda’r costau.

Darllenwch mwy am y llwybr rhan-amser

Mae’r gofynion mynediad ar gyfer y rhaglen hon yn cael eu pennu gan Lywodraeth Cymru a Chyngor y Gweithlu Addysg ac felly maen nhw’n hanfodol ar gyfer pob ymgeisydd cyflogedig a rhan-amser (hunangyllid). Mae gan rai llwybrau o fewn y TAR ofynion mynediad ychwanegol.

Fel isafwm, rhaid i ymgeiswyr feddu ar gymhwyster sy’n cyfateb i radd C TGAU neu uwch yn:

Os nad ydych yn bodloni'r gofynion TGAU (neu safon cyfatebol) ar hyn o bryd, bydd angen i chi ailsefyll eich TGAU i ennill y gradd(au) gofynnol. Efallai eich bod eisoes yn meddu ar gymhwyster sy'n cyfateb i'r TGAU uchod. Cysylltwch â [email protected] am gyngor ar y cymwysterau y gallwn eu derbyn fel cymwysterau cyfatebol. Mae'n rhaid eich bod wedi ennill y radd/graddau gofynnol cyn i'r rhaglen ddechrau, neu bydd eich lle yn cael ei dynnu'n ôl.

Mae'r broses ymgeisio yn gystadleuol, ac mae graddau TGAU yn un elfen o'n hasesiad yn unig.

Bydd angen y canlynol arnoch hefyd:

Cyfeiriwch at y Cwestiynau Cyffredin neu cysyllwch â [email protected] i drafod eich gofynion.

Yn ogystal, bydd angen i chi ddangos y canlynol:

Yn ystod y broses ymgeisio, bydd angen i chi wneud y canlynol:

Cyfeiriwch at y Cwestiynau Cyffredin neu cysyllwch â [email protected] i drafod eich gofynion.

Fel myfyriwr cyflogedig, byddwch yn gymwys i gael grant hyfforddi gan Lywodraeth Cymru i dalu cost eich astudiaeth, a chaiff y grant hwn ei dalu’n uniongyrchol i’r brifysgol. Os ydych yn gweithio mewn ysgol wladol uwchradd, efallai y bydd eich cyflogwr hefyd yn gymwys i gael cymorth gyda chost eich cyflog.

Ar y llwybr rhan-amser, gallwch wneud cais am fenthyciad myfyrwyr a grantiau cynhaliaeth rhan-amser i helpu gyda chostau'r llwybr hwn sy’n llwybr hunan-ariannu. Efallai y byddwch hefyd yn gymwys i gael cymhellion addysgu ychwanegol gan Lywodraeth Cymru ar sail pro rata.

Cynradd cyflogedig (gydag ysgol ardystio)