England

Dywedwch wrthym ble rydych chi'n byw fel y gallwn ddarparu'r wybodaeth fwyaf perthnasol i chi wrth i chi ddefnyddio'r wefan hon.
Os ydych mewn cyfeiriad BFPO dewiswch y wlad neu'r rhanbarth lle byddech fel arfer yn preswylio.
Datganiad hygyrchedd
Teacher talking to students in a class
Astudiwch i ddod yn athro neu athrawes gyda'r Brifysgol Agored yng Nghymru, sef yr unig le i astudio naill ai'r llwybrau TAR rhan amser neu gyflogedig. Cyfunwch ddysgu ar-lein â phrofiad ymarferol yn yr ysgol i gwblhau'r cymhwyster dros gyfnod o ddwy flynedd, gan eich galluogi i gydbwyso'ch astudiaethau â'ch swydd neu ymrwymiadau eraill yn eich bywyd.
Ewch ar drywydd eich taith unigryw i faes addysgu gyda'r Dystysgrif Addysg i Raddedigion (TAR) yn y Brifysgol Agored yng Nghymru. Gyda'n rhaglen TAR arloesol byddwch yn dod â'ch sgiliau, eich profiad, a gwahanol safbwyntiau i yrfa a fydd yn eich ysgogi ac yn rhoi boddhad i chi.

Bydd ein cwrs TAR dwy flynedd yn caniatáu i chi ennill Statws Athro Cymwysedig (SAC) ar gyfer naill ai'r lefel ysgol gynradd neu uwchradd, a gellir ei astudio yn unrhyw le yng Nghymru, trwy gyfrwng y Gymraeg neu'r Saesneg.

Mae ein rhaglen TAR arloesol yn cyfuno astudiaethau academaidd ar-lein â chefnogaeth gyda  phrofiad ymarferol hanfodol mewn ysgolion.
Mae dau lwybr ar gael:
Os ydych eisoes yn gweithio mewn ysgol mewn rôl nad yw'n ymwneud â dysgu, mae'r llwybr cyflogedig yn caniatáu i chi ddod yn athro neu athrawes ochr yn ochr â'ch dyletswyddau presennol. Mae hyn yn golygu y gallwch barhau i weithio yn eich ysgol, a chefnogir costau astudio trwy grant hyfforddi gan Lywodraeth Cymru. Hyd yn oed os nad ydych yn gweithio mewn ysgol, ond eich bod eisiau dod yn athro neu athrawes, gallwch ymgeisio am y llwybr cyflogedig beth bynnag, mewn pynciau sydd â phrinder o athrawon mewn ysgolion uwchradd. Cynigiwn y cyfnodau oedran neu bynciau a ganlyn ar hyn o bryd:
I gael rhagor o wybodaeth am y llwybr hwn, ewch i'n gwefan.
Noder, os ydych yn dymuno astudio i fod yn athro/athrawes Saesneg ond nad oes gennych ysgol uwchradd eisoes sy'n barod i'ch noddi, ni fyddwn yn gallu derbyn eich cais ar gyfer mynediad yn y flwyddyn academaidd 2027/28.
Os ydych am newid gyrfa, neu fod gennych gyfrifoldebau gofalu, gallai ein llwybr rhan amser eich helpu i gyflawni gwell cydbwysedd o ran bywyd a gwaith, wrth i chi hyfforddi i ddod yn athro neu athrawes. Gallwch gydbwyso'r ymrwymiadau yn eich bywyd ochr yn ochr ag astudio ac ennill profiad ymarferol o addysgu mewn ysgol ar sail rhan amser. Cynigiwn y cyfnodau oedran neu bynciau a ganlyn ar hyn o bryd:
I gael rhagor o wybodaeth am y llwybr hwn, ewch i'n gwefan.
Mae cymorth ar gael ar gyfer bob cam o'ch taith, o wneud cais, i raddio. Byddwch yn derbyn eich dysgu  a'ch addysgu yn cael eu darparu drwy'r amgylchedd dysgu rhithwir, a chewch eich cefnogi gan Diwtor Cwricwlwm a fydd yn arbenigwr yn eich maes dewisol. Yn ystod eich ymarfer dysgu, fe'ch cefnogir gan fentor a chydlynydd ysgol a fydd yn darparu cymorth a chyngor ymarferol i chi ar eich taith i addysgu.
1 munud 46 eiliad
Gwrandewch ar sut aeth Michael o fod yn Dechnegydd Gwyddoniaeth i Athro Gwyddoniaeth diolch i’r llwybr TAR cyflogedig.
1 munud 4 eiliad
Gwyliwch ein fideo i ddarganfod sut y gallech chi ddod yn athro gyda'r Brifysgol Agored yng Nghymru.
Mae ceisiadau ar gyfer y llwybrau TAR bellach ar agor a gallwch wneud cais yma. Gallwch ymweld â'n gwefan i gael gwybod mwy am y cwrs a'r gofynion mynediad. Rydym hefyd yn eich annog i ddarllen ein cwestiynau cyffredin sy'n rhoi canllawiau defnyddiol i ddarpar ymgeiswyr.
Gallwch archebu apwyntiad 10 munud gyda'n Tîm TAR Cymru ymroddedig, sydd ar gael i'ch cefnogi ar eich taith. Cynhelir sesiynau bob dydd Mawrth rhwng 16:00 -17:00 a gellir eu harchebu drwy'r ddolen hon.
Sioned at her graduation
Wnes i ddewis i fod yn athrawes Gymraeg oherwydd mae’r iaith mor bwysig i mi.