Astudiaethau Cyfunol

Mae ein cyrsiau astudiaethau cyfunol yn berffaith os hoffech deilwra cymhwyster sy'n unigryw i chi. O gelf i fathemateg, busnes i wyddoniaeth, mae ein cymwysterau agored wedi'u dylunio i fodloni hyd yn oed y diddordebau mwyaf amrywiol.

Pam astudio Astudiaethau Cyfunol gyda'r Brifysgol Agored?

Mae ein hastudiaethau cyfunol yn darparu cyfle unigryw i chi astudio ystod o wahanol bynciau, gan greu cyfuniad sy'n benodol i chi a'ch nodau astudio. Gall y sgiliau yr enillwch eich helpu chi i ddeall y cysylltiadau rhwng gwahanol bynciau, a sut i ddefnyddio'r wybodaeth honno ar draws ffiniau pynciau.

Dyma fanteision astudio cwrs astudiaethau cyfunol gyda ni:

Gallwch ddylunio cymhwyster wedi'i bersonoli i gyd-fynd â'ch anghenion.
Gallwch newid cyfeiriad ar unrhyw bryd yn unol â'ch dyheadau gyrfa neu ddiddordebau personol.
Os ydych wedi astudio o'r blaen, gallech gyfrif astudiaeth flaenorol yn y brifysgol tuag at eich cymhwyster.
Mae cymhwyster astudiaethau cyfunol yn dangos i gyflogwyr eich bod yn hyblyg ac yn gallu addasu. Yn ogystal,
Os ydych eisoes yn meddu ar radd, gallech gael cymorth gyda chyllido eich cymhwyster drwy astudio ein gradd BSc (Anrh) STEM Cyfunol.

Gyrfaoedd mewn Astudiaethau Cyfunol

Mae nifer o yrfaoedd yn agored i raddedigion o bob disgyblaeth, gydag ymchwil yn dangos nad oes gan nifer o gyflogwyr bwnc gradd a ffafrir wrth recriwtio. Fel myfyriwr amlddisgyblaethol, mae'r wybodaeth pwnc amrywiol a gewch gan eich modiwlau dewisol yn golygu y gallwch ystyried ystod eang o wahanol yrfaoedd.

Gall ein hystod o astudiaethau cyfunol eich helpu chi i ddatblygu:

Sgiliau trosglwyddadwy a chysylltiedig â gwaith a werthfawrogir gan gyflogwyr ym marchnad swyddi gystadleuol heddiw.
Rhifedd, cyfathrebu, llythrennedd a'r gallu i ymchwilio.
Sgiliau mewn fframio a mynd i'r afael â phroblemau, cwestiynau a materion.
Cyfathrebu effeithiol, clir a manwl gywir.
Y gallu i werthuso gwybodaeth, dadleuon a rhagdybiaethau yn feirniadol.